*ಹೊನ್ನುಡಿ*.         

ಸ್ವಾನುಭವದಿಂದ ಅರಿತು 

ಜೀವನ ಮೌಲ್ಯಗಳ ಕಲಿತು 

ಮುಕ್ತ ಮನದಿ ಸಮಾಜದಿ ಬೆರೆತು 

ಜಗದೆಲ್ಲರು ಮೆಚ್ಚುವಂತೆ ಬಾಳಿದರೆ 

ಇದಕ್ಕಿಂತ ಇನ್ನೇನು ಬೇಕು

ಅರ್ಥ ಪೂರ್ಣ ಬದುಕಿಗೆ.

*ಹೊನ್ನುಡಿ*.      

ಜಾತಿ ಧರ್ಮಗಳ ಪ್ರೀತಿ ಮನದೊಳಗಿರಲಿ

ದೇವರ ಪೂಜೆ ಮನೆಯೊಳಗಿರಲಿ

ನನ್ನ ದೇಶ, ನನ್ನ ಜನ ಎನ್ನುವ ಕೂಗು 

ಎಲ್ಲರ ಹೃದಯದಲ್ಲಿ ಸದಾ ಮಿಡಿಯುತ್ತಿರಲಿ.

  *ಹೊನ್ನುಡಿ.*        

ಬಡತನವು ಸೋಮಾರಿ ಗೆ ಶಾಪ ,

ಛಲಗಾರ ನಿಂಗೆ ವರದಾನ.

ಬಡತನವು ಸಾಧನೆಗೆ ಸ್ಪೂರ್ತಿ ಛಲಗಾರನಿಗೆ.

ಸೋಮಾರಿ ಗಳಿಗೆ ಬಡತನವೊಂದು ನೆಪ.

  *ಹೊನ್ನುಡಿ*.        

ಜ್ಞಾನವು ನಮ್ಮೊಳಗೆ, ಅಜ್ಞಾನವೂ ನಮ್ಮೊಳಗೆ 

ದೇವರು ನಮ್ಮೊಳಗೆ , ದೆವ್ವವೂ ನಮ್ಮೊಳಗೆ 

ಅರಿತರೆ ನೀ ಮಾನವ , ಅರಿಯದಿರೆ ದಾನವ.

ಅರಿತು ಮಾನವನಾಗು, ಮಾನವೀಯತೆ ಸಾರು.

     ✍️ಡಾ. ಮಹೇಂದ್ರ ಕುರ್ಡಿ